Për 3 vota Kosova nuk pranohet në UNESCO

Shteti i Kosovës nuk ka arritur të marrë numrin e duhur të votave për tu pranuar në UNESKO. Në votimin e Asamblesë së Përgjithshme të UNESCO, Kosova ka marrë vetëm 92 vota nga 95 që i duheshin.

Asambleja e Përgjithshme e UNESCO-s më herët votoi kundër kërkesës së Serbisë për shtyrjen e debatit për pranimin ose jo të Kosovës në UNESCO. 89 shtete votuan kundër Serbisë, 59 pro saj dhe 22 shtete abstenuan.

“U fitua një betejë procedurale për Kosovēn në Asamblenë e Përgjithshme të UNESCO-s. U rrëzua propozimi rus dhe serb për shtyrje”, shkruan në Facebook ministri i Jashtëm i Kosovës, Hashim Thaçi.

Serbia kishte propozuar që të shtyhej debati për pranimin e Kosovës në UNESCO dhe shumica e vendeve anëtare votuan kundër saj.

Fuqitë e Mëdha, Shtetet e Bashkuara të Amerikës, Britania e Madhe dhe Gjermania po lobojnë pro anëtarësimit të Kosovës në UNESCO, kurse Serbia po mbështetet nga Rusia të cilat janë kundër pranimit të Kosovës. Një tjetër shtet i rëndësishëm, Franca votoi pro Serbisë që të shtyhej debati për Kosovën në UNESCO.