Politikanët nuk dinë të shkruajnë mirë gjuhën shqipe!

Elsa Skënderi, studiuese e gjuhës shqipe tha në emisionin Rin Talk në Euronews Albania se problemet me shkrimin drejt të gjuhës shqipe janë shumë të shpeshta te politikanët.

Ajo e cilësoi një kambanë alarmi faktin që këta persona, të cilët janë përfaqësues të një mase të caktuar nuk e njohin siç duhet gjuhën shqipe.

“Ndër vite kemi parë tekste të shkruara në mënyrë të tmerrshme nga politikanët dhe kjo është një kambanë alarmi. Është tjetër gjë kur shkruan një qytetar i thjeshtë dhe ndryshe një politikan që përfaqëson një masë të caktuar qytetarësh, përgjegjësia është më e madhe”, tha Skënderi.