Presidenti Begaj zbardh takimin me ambasadoren Kim: Diskutuam çështje me rëndësi

Presidenti Bajram Begaj priti sot në Presidencë ambasadoren Yuri Kim. Në një reagim në facebook, Begaj ka zbardhur çështjet që u diskutuan gjatë këtij takimi.

“Ditën e sotme pata kënaqësinë të pres në një takim pune Ambasadoren e Shteteve të Bashkuara të Amerikës në Shqipëri, Sh.S. Znj. Yuri Kim.
Vlerësuam partneritetin strategjik, diskutuam për çështje të rëndësishme dhe fusha jetike të bashkëpunimit dypalësh si: energjia, siguria, reforma në drejtësi, sfidat aktuale globale, etj.
Përsa i përket mandatit të Shqipërisë, në Këshillin e Sigurimit, biseduam për bashkëpunimin e shkëlqyer të deritanishëm dhe shprehëm vullnetin për të vijuar bashkëpunimin e ngushtë dhe bashkërenduar qëndrimet në të ardhmen për çështje të interesit të përbashkët“, shkruan Begaj.