Presidenti Meta shpreh ngushëllimet për ndarjen nga jeta të ish-Zonjës së Parë, Barbara Bush

Presidenti i Republikës Ilir Meta i shpreh ngushëllimet ish-Presidentit të Shteteve të Bashkuara të Amerikës Xhorxh Bush për ndarjen nga jeta të bashkëshortes së tij, Zonjës Barbara Bush.

Mesazhi i Presidentit Meta

I nderuar Zoti President,

Ndarja nga jeta e bashkëshortes suaj të dashur, Barbara, më hidhëroi shumë.

Ju shpreh ngushëllimet e mia më të ndjera e të sinqerta dhe në këto momente hidhërimi, lutem së bashku me ju dhe familjarët tuaj që e ndjera bashkëshortja juaj Barbara të gjejë prehjen e amëshuar.

Unë dhe shqiptarët do ta kujtojmë me shumë respekt, bashkëshorten tuaj të nderuar dhe Zonjën e Parë të Shteteve të Bashkuara të Amerikës, e cila gjithmonë ka qenë krah jush në mbështetjen e kombit shqiptar.