Presidenti Meta: Shkrimi i “Mother Jones”, një mashtrim

Presidenti i Republikës Ilir Meta, në një intervistë për “Fax News” është pyetur për shkrimin e revistës amerikane “Mother Jones”, e cila hidhte dyshime për financimin e lobimit të LSI po pa botuar në artikull sqarimin e kësaj force politike.

“Mendoj se nuk keni gjetur personin më të përshtatshëm apo edhe kohën më të përshtatshme për të bërë një pyetje të tillë. Gazetari që ka bërë një pyetje, ka marrë edhe një përgjigje, që pjesërisht është botuar, nga Drejtori i Kabinetit të Presidentit.

Kam lexuar me vëmendje përgjigjet e pyetjeve që i ishin drejtuar zëdhënësit apo drejtorit për shtypin të LSI-së, zotit Shaban Sulçe, të cilat çuditërisht nuk ishin publikuar, pra përgjigjet e këtyre pyetjeve. Dhe mund t’ju them që përgjigje mjaft të sakta, mjaft transparente, dhe me një fjalë mund të them që kemi të bëjmë me një “zero” të vërtetë për sa u takon të gjitha aludimeve dhe insinuatave për atë periudhë” – deklaroi Presidenti.