Presidenti Meta shpreh ngushëllimet për ndarjen nga jeta të akademikut Kolec Topalli

Presidenti i Republikës, Ilir Meta ka shprehur keqardhjen për ndarjen nga jeta të akademikut, albanologut e gjuhëtarit të njohur shqiptar, Prof. Dr. Kolec Topalli.

“Presidenti Meta u shpreh ngushëllimet më të sinqerta familjarëve, miqve dhe familjarëve të Akademikut Topalli, dhe në këto çaste hidhërimi, gjendet shpirtërisht pranë tyre duke u lutur së bashku me ta që i ndjeri të gjejë prehjen e amëshuar.

Shqipëria humbi një akademik e albanolog të shquar, por Prof. Dr. Kolec Topalli la pas një vepër të tërë mbi gjuhën shqipe dhe historikun e saj, e cila do të jetë gjithmonë në duart e studentëve dhe studiuesve të ndryshëm, duke e bërë të paharruar kujtimin dhe veprën e tij!”, thuhet ne njoftimin e Presidences.