Deputeti socialist Pandeli Majko, ka komentuar propozimin e opozitës për ndryshimet në Kodin Zgjedhor, duke thënë se kërkesa e tyre në këtë fazë ku është procesi zgjedhor, do të ndryshonte rregullat e lojës.
“Do të bëj një koment të shkurtër në lidhje me propozimet. Të gjithë votuesit, shqiptarët jashtë vendit do të votojnë pa paguar asgjë për të shprehur vullnetin e tyre. Ky është sukses i madh, por ajo që shoh unë si problem është kërkesa më e fundit opozitës që ndryshon thelbësisht rregullat e lojës, në këtë moment ku procesi zgjedhor është.
Në diskutimin që është bërë për ndryshimet në Kodin zgjedhor, opozita ka paraqitur një propozim interesant. Të dyja palët kanë rënë dakord që propozimet e opozitës për votimin me pasaporta të huaja të vlerësohen nga komisioni rregullator i KQZ, e lidhur kjo edhe me ndryshimin e fundit të propozuar nga opozita, në pikën 4 neni 24, ku komisioni rregullator do të vendosë në mënyrë të paprecedentë nëse do të votohet ose jo nga shtetasit shqiptarë jashtë. Për mua personalisht kjo më mban erë që s’dua ti vë emërim.
Nëse do t’ia lëmë komisionit rregullator, një fakt që ndryshon rregulla e lojës, do të jetë një arsye që votimi nga jashtë të bllokohet”, tha Majko në Kuvend.
