Protesta e qepenave, Tabaku: Gjoba e një pushteti diktatorial (VIDEO)

Deputetja e PD-së, Jorida Tabaku përmes një video live nga tregu i madh në Tiranë, shprehet se gjoba e qeverisë karshi sipërmarrjes, vjen nga një pushtet gati diktatorial. Nga ana tjetër Tabaku shkruan se opozita është në krahun e atyre që vendosin lirinë e tyre.

Statusi i Tabakut

Një qeveri që dhunon sipërmarrjen përmes taksave të larta nuk është më një qeveri e shumicës së qytetarëve por e një pakice që përpiqet të imponohet me dhunë. Sot jemi në krahun e atyre që vendosin lirinë e tyre dhe të sipërmarrjes së lirë mbi dhunën arbitrare të një pushteti gati diktatorial. Taksat as nuk kanë qenë dhe as nuk janë gjoba e qeverisë karshi sipërmarrjes sikundër kjo qeveri mendon dhe vepron.