Rama në hall, nis një konferencë të paprogramuar online për plehrat, në përpjekje për të sqaruar ndjekësit

Politikë E Shtunë, 1 Maj 2021 19:54

I vënë nën presion, i akuzuar edhe nga analistët e majtë si i korruptuar, palaço dhe në shërbim të mafias, kryeministri Edi Rama ka hapur edhe njëherë Facebookun e tij nga Viena për të sqaruar edhe një here tjetër nismen për plehrat që do të vijnë në Shqipëri.

Ai i quan “sharlatanë” ata që e akuzojnë dhe e konsideron krimin e tij mjedisor si “një normalizimi i jetës për industrinë e lehtë të riciklimit”.

Por pavarësisht këtij qëndrimi, kryeministri është vënë nën shënjestrën e ndjekësve të tij në “facebook”, të cilët e akuzojnë atë për mungesën e transparencës dhe dëmit ekologjik që po i shkakton vendit me miratimin e ligjit të importit të mbetjeve. Prej më shumë se një orë Kryeministri po i përgjigjet çdo komenti të bërë nga lexuesit në postimin e tij.