Rama: Nuk ka skenar për të eleminuar kreun e opozitës

Kryeministri Edi Rama ndodhet në një deklaratë për shtyp, nga ku konfirmoi informacionin mbi kërcënimin ndaj kryetarit të opozitës Lulzim Basha, por ai theksoi se pavarësisht se është i vërtetë ky informacion,nuk ka të dhëna  të dhëna bindese për të qenë realisht shqetësues.Rama theksoi se nuk ka skenar per te eleminuar kreun e opozites

“Nuk ka pasur asnjë skenar për ekzekutim. Ka pasur informacion që është trajtuar me seriozitetin më të madh. Ekspertriza tregon se informacioni nuk është mjaftueshmërisht i besueshëm. Janë marrë masat sikur të ishte diçka realisht e vërtetë.  Ju siguroj se kreu i PD-së është më i mbrojtur si asnjëherë dhe do të jetë tërësisht i mbrojtur deri në fund dhe  do bëhet gjiçthka që shteti ka për detyrë”- tha Rama

Edi Rama: Në situatën surreale që ka krijuar PD duke u përpjekur të minojë themelin e jetës demokratike, lirinë dhe të drejtën e votuesve të saj për ët zgjedhur po ndodh ajo që nuk ka ndodhur kurrë në Shqipëri. Është opozita dhe jo qeveria që refuzon dialogun.

Kurrë ky vend nuk e ka parë një krizë të tillë artificiale të provokuar dhe promovuar nga një elitë e korruptuar dhe e habruar politkanësh, gjyqtarësh.. 

Opozita refuzon brutalisht dialogun . Të sabotojë cdo përpjekje të qeverisë për dialog.

Kam mobilizuar zyrën time për të komunikuar me kryetarin e PD. Kam treguar gadishmërinë për të mbështeur nismën e presidenit për dialog .  Por dhe nisma vullnetmirë e presidentit nuk po sjell asnjë sukses, edhe pse i është lënë dorë e lirë të diskutojë çfarë do të flasë në tryezë.

Ky pozicionim  është krejtësisht i papranueshëm dhe i papajtueshëm i PD-së. 

Kjo krizë artificiale krijon një perceptim negativ për Shqipërinë, frymëzon kriminalitetin, ushqen fantazinë e atyre që nuk e duan këtë vend, duke krijuar shtigje për të synuar destabilizim të mundshëm