Rama: Për Veliaj vendosin forumet. Duam të qeverisim aq mirë sa në Tiranë në çdo bashki

Kryeministri Edi Rama ka folur sot në emisionin “Real Story” dhe për rikandimin e Erjon Veliajt në krye të Bashkisë së Tiranës.

Kreu i qeverisë ju shmang pyetjes konfirmuese ose mohuese, por tha se vendimmarrja për këtë çështje u takon forumeve të Partisë Socialiste, por tha se modeli i drejtimit të Bashkisë së Tiranës do të shtrihet pas zgjedhjeve të ardhshme vendore edhe në bashkitë e tjera.

I pyetur nga Sokol Balla në Vizion Plus për rikandidimin e Veliajt për një tjetër mandat, Rama tha se “Unë jam një socialist serioz edhe bëhet fjalë jo për të kandiduar Erion Veliajn, bëhet fjalë për të kandiduar 61 kryetarët e ardhshëm të bashkive dhe në respekt të një procesi që është i njëjtë dhe i barabartë për të gjithë nuk mund të bëhet asnjë përjashtim. Do të pritet dita kur do vendoset kush do të jetë për katër vitet e ardhshme kryetari apo kryetarja jonë e bashkisë në të 61 bashkitë e Republikës. Dhe ne duam që qershorin e ardhshëm të marrim përsipër të qeverisim po kaq mirë sa Tiranën dhe qytete e tjera dhe disa qytete që fatkeqësisht vuajnë keqqeverisjen e kryebashkiakëve, të atyre që sot janë në opozitë”.