Kryeministri Edi Rama ka vijuar sot me episodin e radhës të podkastit të tij “Flasim”, i cili këtë herë ka pasur në qendër temën “Rikthimi në atdhe”.
E ftuar në këtë episod ishte ministrja e re e Shëndetësisë dhe Mirëqenies Sociale, Evis Sala, me të cilën kryeministri zhvilloi një bisedë për çështje që lidhen me sistemin shëndetësor në vend dhe përvojat personale të mjekëve shqiptarë.
(klikoni videon)
Gjatë bisedës, Rama u ndal te sfidat dhe përparimet në sektorin e shëndetësisë, duke theksuar se profesionalizmi i mjekëve ka qenë faktori kryesor që e ka mbajtur këtë sektor në këmbë.
Nga ana e saj, ministrja Sala u ndal në zhvillimet teknologjike dhe përmirësimet e kushteve në sistemin shëndetësor, duke theksuar se dikur profesioni i mjekut ushtrohej në rrethana shumë më të vështira.
“Kur mbaron mjekësinë, mendon se i di të gjitha, por në fakt nuk di asgjë. Sot kushtet janë më të mira se më parë, ndërsa dikur mjekët punonin me zemër, në kushte të kufizuara dhe me pak teknologji, shumë larg standardeve të vendeve të tjera”, tha Sala.