Rekomandimi i Dhomës Zgjedhore: Të ndërtohet një administratë e depolitizuar dhe bord për monitorimin e financimeve

Publikohet rekomandimi i Dhomës Zgjedhore për ndryshime në Kodin Zgjedhor. Në rekomandim përcaktohet si kërkesë ndërtimi i një administrate të depolitizuar, ndërsa anëtari i 7 në KZAZ duhet të emërohet pa propozim të partive.

Një tjetër kërkesë ishte dhe se sekretari i KZAZ duhej të emërohej pa propozimin e partive. Po ashtu, rekomandimi thekson se duhet të merret parasysh mundësia e votimit me lista të hapura si dhe të krijohet bord për monitorimin e financimit të partive.

Sipas ish kreut të KQZ-së Kristaq Kume opsioni i listave të hapura është i mirë dhe duhet të përkrahet nga politika.

Kritaq Kume: Komisioni i Reformës Zgjedhore, klasa politike e ka shpërdoruar deri sot kohën për të realizuar këtë detyrë, por jemi të mendimit se nuk është koha faktori themelor i cili përcakton sa dhe si mund të realizohet, por është vullneti politik.

Në kushtet kur ky vullnet politik do të shprehet ajo që ne presim të realizohet është e mundshme. Presim të ndërtohet një ngrehinë ligjore që do të bëjë të pamundur atë që shoqëria jonë kërcënohet sot: Kapja e sistemit dhe procesit zgjedhor nga bota e krimit për pasojë kapja e pushtetit. Vota e lirë nuk garantohet nga sistemi por nga sjellja. Ajo çka ne propozojmë është krijimi i kushteve ligjore që të bëjnë të mundshme konvertimin e vullneteve të shrpehura në kutitë e votimit në mënyrë proporcionale sa më të mirë të mundshme.

Deklarata u bë sot paradite para kryesisë së Kuvendit.

/BW

Dokumenti i Dhomes Zgjedhore