Sherri në Kuvend, Byroja mblidhet në orën 18:00

Ishte paralajmëruar se nuk do të ishte një seancë e qetë, dhe ashtu ndodhi. Opozita hodhi miell tek Kryeministri Rama dhe kryeparlamentari Gramoz Ruçi, por ujin e hodhi Ministri i Punëve të Jashtme dhe Europës, Ditmir Bushati. Shishin e derdhi tek deputetët e opozitës.

Byroja e Kuvendit do të mblidhet sot në orën 18:00 për të vendosur lidhur me përjashtimin e deputetëve.

PS-ja kërkon përjashtimin e 6 deputetëve të opozitës. Deputetët për të cilët PS-ja kërkon nga Byroja masën e përjashtimit janë: Edi Paloka, Flamur Noka, Klevis Balliu dhe Ervin Salianji nga Partia Demokratike dhe Braimllari dhe Mehmetajt nga LSI-ja.

Ndërkohë që përsa i përket ministrit Bushati, PS-ja kërkon përjashtimin, pasi reagoi pas sulmit të opozitës që hodhi miell, duke hedhur ujë në drejtim të deputetëve demokratë dhe të LSI.