Silva Caka: LSI të dalë e vetme në zgjedhjet parlamentare

Ku edhe 5 muaj, na ndajnë nga zgjedhjet parlamentare e ku koalicionet përfliten më shumë, deputetja e LSI-së, Silva Caka, deklaron se LSI duhet të dalë e vetme në zgjedhjet e 18 qershorit. kjo deklaratë e deputetes, është bërë dje gjatë emisionit “Debati në Channel One” të gazetarit Roland Qafoku.

Mes të tjerash, Caka tha se LSI-ja ka një kontratë me qytetarët dhe si e tillë prova e madhe e saj është që në zgjedhje të dalë e vetme.

Caka sqaroi se edhe pse koalicionet ende nuk kanë marrë një qëndrim zyrtar, ajo shpjegon se ky është një mendim i saj personal.

“Ky është mendimi im personal që për mua do të jetë votë publike në forumet e LSI, por a do të fitojë mendimi im apo jo, këtë do ta kenë në dorë forumet e partisë”. Silva Caka është e para deputete e kësaj force politike që shprehet hapur për pozicionin që duhet të ketë LSI në zgjedhjet parlamentare të 18 qershorit.