Sot mësohet nëse deputetët kanë votuar për zgjatjen e afateve të Vetting-ut

Pas votimit në parim, deputetët në Kuvend po votojnë për propozimin e maxhorancës për ndryshimet kushtetuese, për zgjatjen e afateve të Vetting-ut. Votimi po kryhet me votë të fshehtë.

Kryetarja e LSI-së, Monika Kryemadhi ka thënë se ka abstenuar sa i përket zgjatjeve të afateve të Vetting-ut. Në një deklaratë për mediat, ajo ka hedhur dyshime duke thënë se është shumë enigmatike sesi PD ndryshoi qëndrim nga kundër në pro.

”Dyshues në këtë proces ndryshimi nga për një orë nga kundra në pro. Të shkëputemi nga shitja e votave për interesa personale. Nëse ka probleme me drejtësinë, prokurorin belg, me drejtësinë amerikane, anti-mafian, nuk mendoj që vota e deputetëve duhet të ndryshojë brenda një ore”.