Sot seancë plenare dhe protestë përpara Parlamentit. Dhjetëra efektivë policie rrethojnë godinën

Parlamenti mblidhet sot në seancë plenare, ndërkohë edhe opozita zhvillon protestën e radhës para godinës së Kuvendit në orën 10:00.

Policia ka marrë masat e para për mbarëvajtjen e kësaj proteste dhe shmangien e ndonjë incidenti të mundshëm.

Dhjetëra efektivë policie janë vendosur në perimetrin përreth parlamentit në orët e para të mëngjesit të sotëm.

Protesta pritet të nisë para orës 10:00, dhe protestuesit do të nisen nga selia blu për të marshuar drejt kuvendit me në krye ish kryeministrin Sali Berisha.