Spiropali: S’jemi armiq! Nuk ishte nevoja të na shihnin ambasadorët si ulemi ne

Ministrja për Marrëdhëniet me Kuvendin, Elisa Spiropali, që në nisje të fjalës së saj në Kuvend përgëzoi deputetët e opozitës, të cilët lanë protestat dhe iu bashkuan punimeve në kushte normale.

“Besoj se për çdo deputet është e qartë se me rrugën radikale nuk shkon askund. Është gjithmonë më mirë të ulesh dhe të gjesh fjalën, të biesh dakord qoftë dhe me atë që ke përballë. Nuk ishte nevoja të vinin ambasadorët dhe të shohin si ne ulemi.

Nuk kemi parë që kur ju ishin në qeveri, të diskutonit sistemin zgjedhor. Nuk mund të vish pas 18 vitesh dhe të thuash nuk jemi pjesë e këtij sistemi. Nuk mund të na akuzoni ne. Ne e ngritëm atë Komision”, ka thënë Spiropali në Kuvend.