Studentët e Mjekësisë sërish në protestë, gjuajnë me vezë para Ministrisë së Arsimit

Ashtu siç kishin paralajmëruar, studentët e Mjekësisë kanë dalë sërish në protestë ditën e sotme. Ata kundërshtojnë vendimin e qeverisë që i detyron të qëndrojnë për 5 vite në vend, pas përfundimit të studimeve.

Protesta e studentëve të mjekësisë është zhvendosur paraditen e sotme përballë ministrisë së Arsimit, ku kanë filluar të gjuajnë drejt saj edhe me vezë. Në këtë proteste janë të pranishme forca të shumta policore dhe qarkullimi i automjeteve në këtë zonë të kryeqytetit është bllokuar.