Sulmet e SHBA në Siri, LSI mbështet nismën e aleatëve të kryesuar nga Presidenti Trump

Lëvizjes Socialiste për Integrim deklaroi sot se mbështet goditjen ushtarake të SHBA, Britanisë së Madhe dhe Francës kundër armëve kimike të regjimit kriminal në Siri.

Përmes një deklarate për shtyp, LSI-së shpreh besimin se iniciativa e Presidentit Donald Trump është në mbrojtje të të drejtave të njeriut dhe të sigurisë ndërkombëtare.

Deklarata e LSI-së

Lëvizja Socialiste për Integrim mbështet ndërhyrjen në Siri të vendeve aleate si Shtetet e Bashkuara të Amerikës, Francës dhe Britanisë së Madhe.

Ne besojmë se iniciativa e Presidentit Donald Trump është në mbrojtje të të drejtave të njeriut dhe të sigurisë ndërkombëtare, si dhe një akt për t’i dhënë fund regjimit diktatorial dhe veprimeve barbare kundër njerëzimit.