Tahiri dorëzon sot mandatin e deputetit?

Paçka se dje, ish-ministri i Brendshëm, Saimir Tahiri deklaroi se heq dorë nga mandati i deputetit, mandat i fituar në zgjedhjet e 25 qershorisht nga lista e PS-së për qarkun e Tiranës, ende nuk e ka konkretizuar një hap të tillë zyrtarisht.

Burime bëjnë me dije se në protokollin e Kuvendit të Shqipërisë ende nuk ka një shkresë zyrtare ku me vullnetin e tij deputeti Tahiri të lërë mandatin.

Mësohet se akti zyrtar do të bëhet sot dhe më pas Kuvendi ja përcjell atë Komisionit Qëndror të Zgjedhjeve, që më pas bën zëvendësimin me kandidatin pasardhës, Spartak Braho. Megjithatë ky i fundit ende nuk ka një vendim nëse do të marrë apo jo mandatin e deputetit.