Tsipras i telefonon Merkel: Keqardhje që na quani ‘kalë Troje’

Kryeministri grek, Aleksis Tsipras zhvilloi sot një bisedë telefonike me kancelaren gjermane, Angela Merkel për gjetjen e një zgjidhjeje të përbashkët dhe të dobishme për Athinën dhe Evropën.

Sipas një burimi qeveritar, Tsipras shprehu keqardhje që Gjermania kishte përdorur termin "kalë i Trojës” për cilësimin e kërkesës për shtyrjen e ndihmës ndërkombëtare, nënshkruar nga Athina, gjë që nuk ndihmon diskutimet në zonën euro.

"Sipas qëndrimit gjerman, kërkesa greke nuk është e qartë se ajo përbën më tepër një 'kalë Troje' që parashikon një marrëveshje-urë dhe t’i japë fund programit aktual të ndihmës për vendin”, deklaroi burimi, duke shtuar se "Berlini po ndjek një linjë më të ashpër se ajo e shprehur në takimin e ministrave të Financave të zonës euro më 16 shkurt".