Turma demokrate ka rrethuar Ministrinë e Brendshme

Politikë E Hënë, 9 Gusht 2021 07:45

Turma e protestuesve të opozitës, janë zhvendosur tashmë pranë Ministrisë së Brendshme, në tentativë për të hyrë brenda në ministri.

Burimet raportojnë se vetë ministri ndodhet brenda godinës së Ministrisë në këto momente, e cila është e rrethuar edhe nga nëj kordon i përforcuar policie.

Protestuesit vijojnë të hedhin tymuese drejt hyrjes kryesore të Ministrisë së Brendshme, ndërsa pavarësisht tentativave për të çarë kordonin e policisë, situata duket ende nën kontroll.

Kujtojmë që para në Bulevardin ‘Dëshmorët e Kombit’ protesta kaloi qetësisht, pasi u regjistruan vetëm disa tymuese të hedhura dhe disa shtyrje mes turmës dhe kordonit të policisë.