Veliaj në Pragë, takon kryebashkiakun e Kievit: Do jemi një nga mbështetësit e palëkundur të Ukrainës

Siç edhe informoi pak ditë më parë, kryetari i Bashkisë së Tiranës, Erion Veliaj, në një vizitë të tijën në Prage ka takuar edhe kryebashkiakun e Kievit, Vitali Kliçko.

Në një postim në Twitter, Veliaj shkruan se përgëzoi homologun ukrainas për guximin e treguar, ndërsa e siguroi atë se mbështetja e kryeministrit Rama dhe e qeverisë shqiptare në Këshillin e Sigurimit ashtu dhe në NATO nuk do të mungojë.

“E përgëzova mikun tim, Vitali Kliçko, për kurajën dhe guximin e treguar kundër sulmit brutal rus. E sigurova se Edi Rama dhe qeveria shqiptare do të vazhdojnë të jenë mbështetësit e tyre të palëkundur në Këshillin e Sigurimit në OKB dhe NATO. Bashkia e Tiranës do të vazhdojë të ndihmojë qytetet simotra në Ukrainë dhe qytetarët ukrainas në Shqiperi”, nënvizon Veliaj.

Takimi u zhvillua në Pragë të Çekisë, ku u mbajt Samiti i Qyteteve për të ndikuar Ukrainën në rindërtimin e qyteteve ta shkatërrua nga lufta ruse e cila vijon prej më shumë shumë se 216 ditësh.

Praised my friend @Vitaliy_Klychko for his courage & leadership through the brutal russian agression!

Assured him that @ediramaal & @AlbGov will keep being most avid supporters at #UNSC 🇺🇳 & @NATO!

The @CityOfTirana will keep assisting sister cities in 🇺🇦 and ukranians in 🇦🇱! pic.twitter.com/KaaRgW8EgR

— Erion Veliaj #B40Presidency 🇪🇺🇦🇱 (@erionveliaj) September 27, 2022