Vendimi i Apelit/ Berisha: Dështoi me bravën, do të ‘ringjallë’ Bashën me vulën

Një ditë pas vendimit të gjykatës së Apelit, kreu i PD-së, Sali Berisha ka mbledhur  Kryesinë  e partisë.  Ai ka thënë se me vendimin e djeshëm u tentua shkërmoqja e PD-së.

Sipas tij  vendimi i Apelit për vulën, përkthehet si dëshmi e tmerrit që ka kapur Ramën.

““E thirrëm këtë mbledhje për të diskutuar lidhur me vendimin e fundit të Ramës për të bllokuar regjistrimin e PD në zgjedhje dhe të marrë për vete vulën e partisë. Ky moment është dëshmia më flagrante e tmerrit dhe ferrit që ka kapur Ramën, mafian shqiptare të tij, por edhe segmentet e mafias ndërkombëtare.

Ata e shohin se demokratët janë të pamposhtur. Ata u përpoqën t’i japin PD goditje fatale, duke i mbajtur një pengpolitik në krye të saj, që e akuzonin publikisht e ligjërisht si një kukull të financuar nga rusët dhe sipas tyre, ky ishte i përshtatshëm për të drejtuar forcën kryesore opozitare. Ky është paradoksi më i madh.

Opozita të kryesohet nga një njeri i financuar nga rusët, nuk ka paradoks më të madh se ku. Këto skenarë që nisën për çelviskosjen e pushtetit të Ramës. Skenari vijoi me proceset të cilat Basha u fut në thes dhe tani Rama mendon se pasi dështoi me bravën do ta ringjallë Bashën me vulën.”, tha Berisha