Belinda Balluku, e kudondodhur në punët e saj si ministre, e veshur me finesë, plot sharm dhe e qeshur, ajo me Olen Çezarin i bëjnë një reklame fine punëve të qeverisë dhe vendit.
Në kalanë e Porto Palermos mbahet edhe këtë vit edicioni i radhës i Porto Palermo Festival, një organizim i artistit të njohur Olen Çezari dhe që sjell në këtë zonë figura të rëndësishme të botës së artit dhe jo vetëm, si një promovim i shtuar ndaj vendit tonë.
Në prag të nisjes së edicioni të këtij viti me ndihmën e vullnetarëve bëhet pastrimi i të gjithë zonës. Një fushatë e cila ka në thelb sensibilizimin e qytetarëve për kujdesin që duhet të tregojnë ndaj mjedisit të përbashkët. Zv/kryeministrja, njëherësh Ministër i Infrastrukturës dhe Energjisë, Belinda Balluku ju bashkua grupi të vullnetarëve për pastrimin e zonës përreth kalasë së Porto Palermos.
“Unë shpresoj shumë që kjo mos mbetet vetëm me një ditë pastrimi nga vullnetarët apo disa ditë në vit, por të jetë një praktikë që bashkia e Himarës duhet ta zhvillojë. Unë e di që ka pasur përpjekje edhe më përpara, por ama menjëherë mbas zgjedhjeve këtu në Himarë jam e sigurt që do të ketë një incentivim shumë më të madh të vetë bashkisë duke kuptuar që Porto Palermo është perlë e Shqipërisë, jo vetëm e Himarës dhe do një vëmendje të shtuar”, u shpreh Balluku.
E rëndësishme, shtoi më tej Balluku, është ndërgjegjësimi i qytetarëve për kujdesin që duhet të tregojnë e që duhet të nisë që nga moshat më të reja, pasi vetëm ndërhyrjet përmes strukturave shtetërore nuk mjaftojnë nëse nuk bashkëpunojnë edhe qytetarët. “Propozimi për të vendosur në kurrikulën që nga klasa e parë deri në klasë të nëntë, një lëndë e cila do të jetë dedikuar ekologjisë, unë besoj që do të jetë zgjedhja më e mirë”, nënvizoi Balluku.
Duhet theksuar se Belinda Balluku duket ylli i qeverisë, natyrisht nga punët e shumta që po bën në infrastrukurë.