Rilindja me qiri ne dorë kërkon deshë me këmborë

FEJTON nga Hyskë Borobojka
Dhiogjeni i Greqisë së lashtë me qiri në dorë donte të gjente Njerinë” emri i të cilit shkruhet me germë të madhe. Edhe “Rilindja e Re” (me avaze të vjetra) ka lëshuar “falangat e saj të kërkojnë e të gjejnë “deshe me këborë (njerës të zotë’ pë t’i bërë kryetarë të bashkive në pushtetin vendor, vetëm me një ndryshim të “vogël”), të kenë përvojë të pasur në fushën e korrupsionit, eksperiencë ne parcellat e kanabisit, mjeshtra në shpërndarjen e tregtimit të drogës, zanaçinj të prostitucionit, të dinë të maskohen e t’i fshehin këmbët si gjarpëri
Së pari zbuloi e gjeti një kryetar të “shquar” për bashkinë e madhe të Shkodrës. Kryetarit s’i durohej të zinte sa më parë kolltukun e drejtimit të saj. Me njëherë, sa mori miratimin e “Rilindjes” hyri brenda dhe u kapardis mirë e bukur. Por, pa filluar nga aktiviteti, “Rilindjes” i erdhën ca “habere” të liga, se kryetar mavria paska patur ca kusure e dallavere në shtetin fqinj të Italisë, se qënka marrë me drogë e për këto marifete qënka dënuar nga shteti Italian e se na paska provuar edhe prangat e qelitë e burgut.
-Pa mbajeni revanin e kalit, se ku ka zë nuk është pa gjë – i thanë “Rilindjes”.
-Gënjeshtra, shpifje, kundër meje!- kundërshtoj kryetari. – Fjalët që dalin s’janë të vërteta, janë “jallane” dalin nga inati. Se e dinë fare mirë që s’do t’i lë disa “myteberë” e firaunë të Qytetit Verior të livadhisin e ta bëjnë pasurinë e vendit rrush e kumbulla, ashtu si janë mësuar e kanë bërë deri tani.
Kështu tha dhe u betua e u përgjërua kryetari. Por ç’e do “haberet” për aktivitetin e tij vazhdonin të vinin nga shteti fqinj e s’po e linin kryetarin e “shquar” t’ua vinte kufrin te thana e këmbët në një këpucë zullumqarëve. “Haberet”ishin aq të forta sa kryetari, që porsa hyri nga porta e bashkusë për të pushtuar zyrën e kryetarit, u detyrua të dilte nga dritarja.
-Se cili berr varet nga këmbët e tij. Përgjegjësia është individuale, jo kolektive! – tha “Rilindja e Re”, duke e lënë në baltë kryetarin e gjetur me qiri.
Radha i erdhi bashkisë së Vorës. Edhe për këtë bashki të pushtetit vendor “Rilindja “me qiri në dorë” gjeti në shtetin fqinj të Jugut nje “burrë të zotin” e u tha banorëve të kësaj bashkie:
-Dilni, gëzoni o millet, se Vorën copa copa ky do ta bëjë si Evropa! – thanë ata që e kërekuan dhe e gjetën me qiri.
Dhë ç’është e vërteta, ky burrë gëzonte ca virtyte e cilësi të ralla. Bënte allishverishe me euro të fallsifikuara në Greqi. Kishte provuar prangat e qelitë, si trafikant. Dinte të ndryshonte, jo vetëm emrin por edhe besimin
-Gjepra! – thërrisre e bërtiste kryetari nga karrikja e kryetarit të bashkisë në Vorë.
Por edhe për këtë nuk po rreshteshin të vinin “habere” nga përvoja e tij e pasur si trafikant, aq sa e detyruan Komisioni Zgjedhor ta largonte nga puna. Komisioni e largoi kryetarin, ky i fundit, si përgjigje, pushoi dy nënkryetarët e bashkisë. Prokuroria lëshoi për të urdhër arrestimi. Por kryetari i pushuar dinte një më shumë, çau ferrën e iku në drejtim të paditur si shumë kriminelë e trafiknte. Le ta zënë lepurin t’i zbathin opingat e të bëjnë gjyqe në mungesë të “objektit kryetar i pushuar e i proceduar. Thonë se ish kryetarin e bashkisë së Vorës e kanë parë duke shëtitur në rrugët e kryeqytetit, por unë nuk ve dorën në zjarr. Policia ka dhënë “ferman” I arratisuri që nëntorin e vitit të kaluar të kapet, por, si duket, prêt të vijë nëntori i këtij viti që ta prangosë..
U zbulua e u gjet me qiri edhe një kryebashkiak për Vaun e Dejës. Por edhe për këtë filluan të vinë “haberë” se qënka përlyer me trafiqe e drogë.
Për bashkinë e Mallakastrës, “Rilindja” me qiri në dorë, gjeti një burrë me “vlerë”, që Mallakastrën rripa rripa, do ta bënte si Amerika. Por pa u ulur mirë në karriken e kryetarit, filluan t’i vinte “historia” (si historia e Ismail Qemalit, që thotë kënga popullore për Plakun e Vlorës). Por historia e tij dhe e “Rilindasve të mëdhej, është e artë, e mbushur më përpjekje e heroizma për lirinë e Shqipërisë, për mëvetësinë e pamvarësinë e saj. “Rilindasit e Mëdhej” shkrinë pasurinë e tyre për mëmëdhenë. Kurse këta të sotmit “Rilindja e vockël” është e mbushur me korupsion, trafiqe, drogë e grabitje. Këta ropën e vazhdojnë ta rjepin Shqipërinë për të shtuar pasurinë e tyre.
Për bashkinë e Burelit “Rilindja (gjithnjë me qiri në dorë) gjeti një kryetar me kobure në bres. Ka edhe kryetarë të tjerë me kobure, por ata i mbajnë me leje, ndërsa ky i Burelit bën përjashtim se e ka paleje.Në fund të fundit ç’rëndësi ka leja për kryetarin ligjitim. Rëndësi ka nami i saj. të përhapet nga Batër Martaneshi në Qafën e Buallit, nga hidroçentrali i Shkopetit, në “Rrugën e Dritës” e më tej akoma. Të thotë mileti, si koburja pa leje e kryetarit të bashkisë së Burelit.
Edhe për bashkinë e Bulqizës Rilindja” nuk e fiku qirinë dhe gjeti një kryetar me përvojë të madhe në fushën e drogës, që di jo vetëm ta vjelë, por edhe ta eksperimendojë ,për ta parë konkretisht efektin e saj “bamirës”.
‘Rilindja e Re” (me avaze të vjetra) vazhdon kërkimet me sukses për të gjetur kryetarë e kryetare në ato bashki të pushtetit vendor, që vazhdojnë të mungojnë. Për të patur sukses, një takëm thonë që t’i shtohet e t’i rritet flaka qiririt. Të tjerë mendojnë që të shtohet numri i qirinjëve dhe i hundëve për të nuhatur. Kush ka të drejtë?!…