Gazetarja Klodiana Lala, e ftuar në emisionin “Të Paekspozuarit” në MCN TV, ka folur për hetimet e SPAK për tenderat e AKSHI dhe rrëmbimin e biznesmenit Gerond Meçe. Lala ka shpjeguar se si institucioni që do të revolucionarizonte hapësirën dixhitale në Shqipëri, u kthye në grup të strukturuar kriminal.
“Hetimet e SPAK kanë treguar se ka qenë gropa më e madhe thithëse dhe zhvatëse e miliona euro tendera. Nisi për shkurtimin e rradhëve të shqiptarëve, mirëmbëjtjen e serverave, në fakt u kthye në institucion që ka shkuar deri në pengmarrje, miliona euro të zhdukura, informacione të grumbulluar në mënyrë të paligjshme, nga një grup i strukturuar kriminal. Hetimi nuk ka më shumë se gjashtë muaj që ka nisur.
Ka patur paqartësi për këtë. Kjo çështje ka derivuar nga një hetim për kontrabandë cigaresh. SPAK duke hetuar për rrjetin e kontrabandës, bëri kontroll në shtëpine e Ergys Agasit dhe mori celularin e tij dhe pajisje kompjuterike. SPAK ra në dijeni të rrëmbimit të një biznesmeni që kishte fituar tendera te AKSHI, Gerond Meçe, që rezulton se nuk kishte bërë denoncim në polici sa i përket rrëmbimi. Meçe është marrë peng në 12 gusht, nga 5 persona me veshje policie, njëri prej tyre me uniform të BKH, është futur në një Range Rover të zi.
Ky moment është parë nga babai i Gerond Meçes, ka menduar se i biri ishte marrë nga policia, për ndonjë çështje penale. Ai ka dhënë alarmin në polici dhe nuk ka marrë të dhëna. Meçe, sipas kamerave rezulton se është dërguar në një fshat të Elbasanit, i është kërkuar të heqë dorë nga ankimimi për disa tendera.
Gerond Meçe kishte fituar tendera për kohë të gjtë, 45 mln euro tendera të fituara, një moment grupi kriminal kanë hyrë me kompanitë e tyre, u shndërruan në klientët kryesore dhe me ndihmën e Mirlinda Karçanaj, drejtore e AKSHI, dhe të zv drejtoreshës, kompanitë e tyre ose të lidhur me ta, fitonin tendera dhe ato nuk duheshin ankimuar. Gerond Meçe bënte ankimim dhe bllokohej lëvrimi i parave. Kur u mor peng, u shantazhua dhe pastaj hoqi dorë nga 12 ankimime, 80 mln euro tendera.
Në momentin që janë tërhequr ankimimet, Meçe është braktisur në një fshat dhe ka marrë taksi. Nuk ka bërë denoncim por ka vënë në lëvizje përfaqësitë diplomatike. Nuk ka shkuar në SPAK.
Prokurori Bledard Maksuti kur ka patur videon e rrëmbimit, e ka thirrur Meçen, në fillim ai nuk e ka pranuar, por kur i është vendosur video e rrëmbimit e ka pranuar.
Për ta sqaruar, janë të veshur me uniforma policie, njëri me unfiromë BKH, se çfarë janë, nuk di ta them, por kanë përdorur rroba të punonjësve të policisë dhe BKH. Range Rover është arritur të gjendet përmes përgjimeve dhe vëzhgimeve, është sekuestruar nga BKH, e kanë mbajtur jashtë policinë, pasi rezulton që Agasi kishte ndikim në Policinë e Shtetit”, tha Lala.