Balada, dedikim për ish-bashkëshortin? Eneda Tarifa sqaron njëherë e mirë

Javë më parë, Eneda Tarifa publikoi këngën e saj të re, “Nuk ia vlen”. Nuk vonoi shumë dhe balada u komentua menjëherë në disa portale si dedikim i këngëtares për ish-bashkëshortin e saj, Erjon Zaloshnja.

E ftuar në emisionin “Trokit”, në INTv Eneda i hodhi poshtë të gjitha këto aludime duke i quajtur lajme të rreme.

“E ka shkruajtur Fifi. Unë jam e penalizuar të bëj këngë të ndjera, se do bëjnë lidhje portalet. Këngët s’janë gjithmonë personale.”- u shpreh ajo duke shtuar se nuk e kishte menduar asnjëherë se do të shihej nga ky këndvështrim.

Eneda Tarifa konfirmoi ndarjen nga bashkëshorti i saj në janar të vitit të shkuar. Çifti janë prindër të një vajze 5 vjeçare të quajtur Aria.