Burimet e “Page Six”: Dua Lipa po ndërton një rezidencë shumë milionë euro në Sarandë

Krijuesja e hiteve britaniko-shqiptarja, Dua Lipa po ndërton një rezidencë shumëmilionëshe në Sarandë, Shqipëri, ku familja e saj i ka rrënjët, thotë një burim për Page Six, thuhet se shtëpia e re në qytetin bregdetar – do të ketë pamje madhështore me pamje nga deti Jon.

Lipa, e lindur në Britani nga prindër emigrantë shqiptarë, Anesa dhe Dukagjin Lipa, iu dha shtetësia shqiptare në nëntor nga presidenti Bajram Begaj.

Fituesja e çmimit Grammy jetoi në Kosovë me familjen e saj nga mosha 11-15 vjeç, duke thënë për NPR , “Unë nuk do ta ndryshoja atë për asgjë në botë sepse me të vërtetë më ndihmoi të bëhesha kjo që jam”.

Në vitin 2016, këngëtarja e “Levitating” dhe babai i saj themeluan fondacionin “Sunny Hill” për të mbledhur fonde me koncerte vjetore në Kosovë për të ndihmuar njerëzit që përjetojnë vështirësi financiare.

Në verën e vitit 2021, ajo pushoi në vendin ballkanik me familjen dhe të dashurin e atëhershëm Anwar Hadid dhe darkoi me kryeministrin shqiptar, Edi Rama.

Lipa gjithashtu zotëron një shtëpi në Londër dhe makina sportive, duke përfshirë një Jaguar I-Pace dhe Jaguar F-Type, Page Six muajin e kaluar raportoi gjithashtu se Lipa po afrohet me reperin Jack Harlow – albumi i fundit i të cilit përmban një këngë të titulluar, “Dua Lipa”.

Dyshja u takua në “Variety Hitmakers” në Los Angeles në nëntor dhe kanë qenë në “komunikim të vazhdueshëm” që atëherë.

Lipa së fundmi u tha gjithashtu se ka nisur një lidhje me Trevor Noah pasi dyshja u fotografuan duke u përqafuar pas darkës në Miss Lily’s në New York në fund të shtatorit.

Por një burim tha se darka ishte miqësore dhe u zhvillua pasi ai regjistroi ‘podcastin’ e saj “At Your Service”/infokosova.net/

Duhet theksuar se ardhja e një ylli të tillë botëror në Shqipëri me vilë buzë detit mund të nxisë yje të tjerë të investojnë në vendin tonë.