Capital T për protestat: Asnjë kauzë nuk duhet të kushtojë jetë, mediat në Kosovë të mos heshtin
Artisti i njohur shqiptar, Capital T ka reaguar lidhur me protestat në Shqipëri, duke përcjellë një mesazh për përgjegjësi institucionale, si dhe duke u bërë thirrje mediave të Kosovës që t’u kushtojnë më shumë vëmendje zhvillimeve në vend.
Në reagimin e tij, Capital T nënvizon se e drejta për të protestuar është e shenjtë, por asnjë kauzë nuk duhet të përfundojë me humbje jete, lëndim të fëmijëve apo dëmtim të njerëzve të pafajshëm.
”Dhuna nuk mund të jetë përgjigjja ndaj padrejtësisë. Dhe thirrja për paqe nuk mund të jetë justifikim për të heshtur përballë saj”, shprehet artisti, duke kërkuar që institucionet të përmbushin detyrimin për të mbrojtur qytetarët, për t’i dëgjuar ata dhe për të mbajtur përgjegjësi.
Capital T ka adresuar një thirrje të drejtpërdrejtë për mediat e Kosovës, duke kërkuar që ato t’i japin hapësirën e merituar zërit të qytetarëve që po protestojnë në Shqipëri. ”Kufiri na ndan administrativisht, por e vërteta dhe përgjegjësia për njëri-tjetrin nuk njohin kufij”, është mesazhi i tij drejtuar mediave kosovare.
Në fund, Capital T nënvizon se heshtja nuk duhet të jetë zgjedhje në momentet kur qytetarët kërkojnë të dëgjohen, duke rikthyer vëmendjen te rëndësia e drejtësisë, dinjitetit dhe sigurisë për të gjithë qytetarët.
View this post on Instagram
View this post on Instagram
KOHA JONË SONDAZH
