Dua Lipa, gruaja shqiptare më e kërkuar në botë

Ylli i muzikës pop, Dua Lipa po del të jetë gruaja shqiptare më e kërkuar në botë. Hulumtimi i fundit i bërë nga dua.com, analizoi mbi 135 milionë kërkime në Google në 12 muajt e fundit, për të përcaktuar 150 femrat më të suksesshme dhe të famshme shqiptare.

Rezultatet e këtij hulumtimi jo vetëm që vijnë në kohën perfektë, më 8 Mars, Ditën Ndërkombëtare të Gruas, por gjithashtu ofrojnë një këndvështrim në interesimin e njerëzve në mbarë botën për suksesin e femrave shqiptare.

Lipa shfaqet si femra shqiptare me numrin më të madh të kërkimeve në mbarë globin (73 milionë) në platformën Google.