E dashura e Putinit del në publik, ”Zonja e Parë në hije” tregon përmes një simboli që mbështet luftën

E dashura e përfolur e Presidentit rus Vladimir Putin, ish-gjimnastja Alina Kabaeva, është rishfaqur për të udhëhequr një festival patriotik dhe ka përshëndetur heroizmin e forcave të armatosura të Rusisë.

Rishfaqja e Kabaeva vjen pas thashethemeve se ajo ishte fshehur në një shtëpi në Zvicër pas fillimit të pushtimit të Ukrainës nga Putin.

38 vjeçarja e cila në mediat ruse njihet si “Zonja e Parë në hije”, u shfaq në një shfaqje me një kor ushtarak, ku fotot shfaqnin gjithashtu simbolin “Z”, për të treguar mbështetjen për luftën ruse në Ukrainë.