Epoka e rrjeteve sociale, Rita Ora jep mesazhin e madh për të rinjtë

Përveç aspekteve pozitive, zhvillimi me hapa të shpejtë i teknologjisë ka sjellë edhe pasoja, sidomos sa i përket mënyrës së jetesës.

Këtë gjë e ka konstatuar edhe këngëtarja e njohur me origjinë shqiptare, Rita Ora, e cila në një intervistë ka treguar efektet negative të teknologjisë, që manifestohen gjerësisht tek brezi i ri.

Teksa foli për epokën e rrjeteve sociale, ajo tha:

Unë mendoj se bota është ndryshuar përgjithmonë. E ndiej veten me shumë me fat që kam jetuar në kohën kur rrjetet sociale nuk ekzistonin. Fëmijët e sotëm nuk e dinë se si është jeta pa rrjetet sociale, dhe mendoj se kjo gjë është një turp i madh. Të rinjtë e sotëm duhet të kuptojnë që jeta reale duhet ndarë nga jeta virtuale, sepse janë dy gjëra krejtësisht të ndryshme nga njëra-tjetra.”

Rita falenderoi nënën e saj, Vera, për fëmijërinë e bukur që ka kaluar dhe mbështetjen që ajo i ka dhënë.

Këngëtarja vijoi:

Teksa rritesha, mamaja ime më frymëzonte dhe  gjithmonë më bëri të ndjehem e sigurt. Ajo gjithmonë më thoshte që mund të jesh kushdo që dëshiron të jesh. Dhe unë i thoja: “Mendon se mund të jem një yll pop?”, dhe ajo gjithmonë më thoshte: “Po”.

Kujtojmë këtu që Rita Ora u bë e famshme ndërkombëtarisht në vitin 2012 me hitin e saj “Hot Right Now”.

Sot ajo cilësohet si një nga këngëtaret më të mira në botë.