Intervistë për ”Billboard”, Njomza flet për këngëtarët shqiptarë

Njomza Vitia është një nga bashkëpunëtorët më të ngushtë të Ariana Grandes, pasi ajo shkruan tekstet e këngëtares. Për të gjithë ata që se njohin, Njomza me origjinë nga Prishtina, ka lindur në Çikago.

Ajo tani po eksploron veten edhe si këngëtare dhe ka sjellë projektin e saj të parë “Vacation”. Njomza sa duket i ndjek me vëmendje këngëtarët shqiptarë pasi në një intervistë për Billboard ka përmendur disa nga këngëtaret e saj të preferuar. Ajo thotë që jo vetëm shqiptarët që janë jashtë trevave po përparojnë në muzikë, por edhe ata që jetojnë atje:

“Ka një komunitet të madh artistësh atje, si reperët Lyrical Son dhe Capital T apo dhe këngëtarja Dafina Zeqiri, të cilët luajnë të gjithë në Evropë. Është një vend që po përparon”.