Jack Ma i thotë lamtumirë ‘Alibaba’ në ditën e lindjes: Do të mësoj nga Bill Gates

Jack Ma, manjati i Alibaba, kompania e ngritur nga zero prej vetë atij me një vlerë neto prej gati 42 miliardë dollarë, ka dalë zyrtarisht në pension.

Miliarderi, i cili njoftoi pensionimin e tij si kryetar i kompanisë shtatorin e kaluar, e përmbushi premtimin e tij për të braktisur ditën e martë në 55 vjetorin e lindjes. Largimi i Ma gjithashtu përkon me përvjetorin e 20-të të Alibaba-s.

Sipërmarrësi, Ma Yun i cili është një nga figurat më të famshme publike të Kinës i ka dorëzuar çelësat e mbretërisë së tij kryeshefit ekzekutiv të Alibaba, Daniel Zhang.

Sidoqoftë, Ma nuk do t’i ndërpresë të gjitha lidhjet me kompaninë që ai e shndërroi në një gjigand elektronik të tregtisë 462 miliardë dollarëshe nga fillimet e tij modeste në apartamentin e tij në Hangzhou. Ai do të qëndrojë në bordin e drejtorëve të firmës për rreth një vit.

Biznesmeni gjithashtu do të vazhdojë të mentorizojë menaxhimin e kompanisë pasi ai mbetet një partner gjatë gjithë jetës në një organ drejtues të korporatës të quajtur Alibaba Partneritet, i cili ka të drejtën të emërojë drejtorë në bordin e kompanisë.

Kur njoftoi planet e tij të daljes në pension një vit më parë, vetë Ma e përshkroi fundin e mbretërimit të tij si “fillimin e një epoke.”

“Do të mësoj nga Bill Gates, Ëarren Buffett dhe shumë filantropistë të mëdhenj në botë, por dua të bëj diçka duke përdorur mënyrën time,” i tha Ma Bloomberg vitin e kaluar. “Unë kurrë nuk mund të jem aq i pasur, por një gjë që mund të bëj më mirë është të pensionohem më herët.”