Joe Jonas dhe Sophie Turner “kapen” mat në jahtin luksoz në Meksikë

Janë një nga çiftet e showbizit botëror që janë në qendër të vëmendjes mediatike si për shkak të jetës profesionale, gjithashtu edhe prej lidhjes së tyre.

Këtë herë këngëtari Joe Jonas dhe e fejuara e tij aktorja Sophie Turner janë fotografuar nga paparacët në një jaht në Meksiko, ndërkohë që po shijonin një kohë pushimi së bashku.

Joe është fotografuar duke e ndihmuar të fejuarën e tij me kremin e diellit, duke u dukur shumë të afërt e dashuruar me njëri-tjetrin.

Këngëtari është rikthyer së bashku me vëllezërit e tij në grupin e njohur  “The Jonas Brothers” dhe duket se janë duke arritur suksesin e dikurshëm.

Ndërkohë edhe për Sophien është një moment shumë i mirë në karrierë pasi prej një jave është duke u transmetuar sezoni i ri dhe i fundit i serialit “Game of Thrones” , ku ajo është pjesë

Kujtojmë se pak kohë më parë ajo u shpreh edhe për problemet e saj me shëndetin mendor, ku sipas saj mbështetja e të fejuarit Joe Jonas ka qenë një nga arsyet se përse ajo ka arritur të ndihet më mirë.