Kjo këngë e Ed Sheeran arrin pesë miliardë klikime, bëhet hiti solo më i klikuar në botë

Ed Sheeran është një nga artistët më të mëdhenj botërorë. Një nga këngët më të famshme të artistit britanik mbetet “Shape of You”, e cila pak ditë më parë ka arritur mbi pesë miliardë klikime.

Kjo është kënga e dytë më e dëgjuar në histori të kanalit YouTube dhe njëherësh e para këngë solo për nga numri i klikimeve në këtë kanal.

“Shape of You” është pjesë e albumit “Divide”, të cilin ai e publikoi në vitin 2017 dhe rezultoi të ishte ndër albumet më të suksesshme të atij viti.

“Shape of You” ishte kënga më e shitur e vitit 2017 dhe kënga më e shitur dixhitale në të gjithë botën, me shitje të kombinuara dhe transmetime ekuivalente me këngë prej 26.6 milionë njësish sipas IFPI.