Konfirmohet largimi i Ilda Bejlerit nga “Supersport”, feston për projektin e ri

Zërat për largimin e Ilda Bejlerit nga “Supersport” paskan qenë të vërteta. Mediat shkruanin se ajo ka pasur një mosmarrëveshje me Dritan Shakohoxhën dhe kjo ka sjellë dhe largimin e saj nga televizioni me të cilin ka vite që punon.

Miku i saj më i mirë, ka konfirmuar këto zëra ku përmes një postim në Instagram, një foto me Ilda Bejlerin, blogeri tregon se po festojnë për projektin e ri.

“Duke festuar me Ilda Bejlerin rrugëtimin e ri në një super projekt,”- shkruan Olti krahas fotos.

Gjithashtu, revista “Who” ka publikuar një foto të saj me Ed Manushin. Mësohet se takimi i tyre ka zgjatur për disa orë dhe Ilda gjatë gjithë bisedës është shfaqur mjaft entuziaste. Mesa duket moderatorja do të nënshkruajë një kontratë tjetër brenda “Top Media”.