“Më tha pedofil”, Miri i revoltuar me DJ Gimbon: Më ofendon gjithë kohës

Një video e publikuar së fundmi në profilin zyrtar të Big Brother VIP Albania në Instagram ka rikthyer në vëmendje përplasjen mes banorëve Miri dhe Gimbo.

Gjatë qëndrimit në dhomën e rrëfimit, Miri ka folur hapur për marrëdhënien e tensionuar me Gimbon. Ai pretendon se është ofenduar vazhdimisht nga banori tjetër, ndërsa thekson se vetë është përpjekur të ruajë qetësinë.

“Sot po them vetëm të fundit. Më ofendon gjithë kohës, më ofendon pafund, nuk i them asnjë fjalë. I them thjesht: je i paedukatë. Ose i poshtër, kaq”, u shpreh ai.

Miri shtoi se Gimbo e ka quajtur “pedofil”, një akuzë që ai e cilësoi të pakuptimtë dhe të rëndë. “Më tha pedofil. Nuk e kuptoj pse unë jam pedofil”, deklaroi këngëtari.