Melania Trump mohon lidhjet me Epstein

Zonja e Parë e Amerikës, Melania Trump ka mohuar prerazi çdo lidhje me Jeffrey Epstein, duke i quajtur pretendimet shpifje dhe duke kërkuar që ato të ndalen menjëherë.

Ajo gjithashtu hodhi poshtë thashethemet se Epstein e kishte prezantuar me bashkëshortin e saj, Donald Trump, duke i cilësuar si përpjekje për të dëmtuar reputacionin e saj.

Në deklaratën e bërë nga Shtëpia e Bardhë, Melania Trump bëri thirrje për organizimin e seancave dëgjimore në Kongres për të mbijetuarit e trafikimit seksual të lidhur me Epstein, duke theksuar rëndësinë e fokusit tek viktimat.

Deklarata vjen në një kohë kur çështja Epstein vazhdon të tërheqë vëmendje të madhe publike dhe të shoqërohet me pretendime dhe teori të ndryshme.