Ndahet nga jeta vajza e vetme e Elvis Presley-t

Mbrëmjen e djeshme u dha lajmi se Lisa Marie Presley kishte pësuar atak kardiak dhe ishte dërguar me urgjencë në spital.

Pak orë më vonë, ka qenë nëna e saj Priscilla Presley që ka ndarë lajmin e hidhur.

Lisa Marie nuk jeton më. Ajo ishte 54 vjeç.

“Me dhimbje të madhe ndaj lajmin që vajza ime e bukur Lisa Marie Presley u nda nga jeta”, konfirmoi për revistën “People” Priscilla Presley.

Lisa Marie iahte e vetmja trashëgimtare e yllit të muzikës Elvis Presley.

Lisa Marie ishte këngëtare dhe tekstshkruese. Ajo la pas katër fëmijë.