Në moshën 51-vjeçare, modelja e cilësuar si ”pantera e zezë” bëhet nënë

Super modelja Naomi Campbell, është bërë nënë për herë të parë në prag të 51-vjetorit të lindjes. “Pantera e zezë”, i surprizoi të gjithë kur përmes Twitterit njoftoi se ka sjellë në jetë një vajzë.

“Një bekim i bukur dhe i vogël, më ka zgjedhur të jem nëna e saj. Kaq e nderuar që kam këtë shpirt të butë në jetën time, nuk ka fjalë për të përshkruar lidhjen e përjetshme që tani ndaj me ty engjëlli im. Nuk ka dashuri më të madhe”, shkroi Campbell, e cila e ka mbajtur shtatzaninë sekret nga fansat dhe mediat.

E lindur në 22 maj 1970, ajo ka bërë karrierë edhe si aktore dhe grua në biznes. Ajo u ngjit në pasarelë për herë të parë kur ishte vetëm 15-vjeç, duke u bërë shpejt një prej më të kërkuarave në vitet 1980-1990.