Një zarf mbërrin në shtëpinë e ”Big Brother Kosova Vip 4”

Një zarf i kuq ka mbërritur në shtëpinë e “Big Brother Kosova VIP 4”, duke ngritur menjëherë tensionin mes banorëve dhe duke nxitur reagime të shumta në rrjetet sociale. Edhe pse përmbajtja e vendimit ende nuk është bërë publike, spekulimet janë të shumta se ai mund të lidhet me situatat e fundit që kanë përfshirë banoren Bia dhe konkurrenten Alba.

Bia është vënë në qendër të vëmendjes pas komenteve të shumta në rrjete sociale, ku disa ndjekës kanë aluduar për bërje të “magjisë së zezë” brenda shtëpisë. Këto pretendime, të cilat nuk janë konfirmuar zyrtarisht nga produksioni, kanë shkaktuar debat të gjerë dhe reagime të forta nga publiku, duke e kthyer situatën në një nga temat më të komentuara të edicionit aktual.

Nga ana tjetër, edhe veprimet e Albës janë vënë nën lupë. Ajo është kritikuar për faktin se ka prekur sende personale të Bia-s, si dhe për afrimin fizik mes tyre, veprime që disa shikues i kanë konsideruar si shkelje të kufijve personalë dhe rregullave të bashkëjetesës në shtëpi. Mbetet për t’u parë nëse produksioni do të marrë masa konkrete ndaj ndonjërës prej banoreve, apo nëse bëhet fjalë për një paralajmërim që synon të ulë tensionet dhe të vendosë rregull brenda shtëpisë.