Pika e dobët e Princ William është padyshim Charlotte

Dukesha Kate Middleton dhe Princ William publikojnë shpesh në rrjete sociale momente të bukura familjare mes tyre dhe fëmijëve.

Këtë herë në videon e publikuar pak ditë më parë në Instagram ra në sy komunikimi i Princ William me fëmijët e tij dhe sidomos me të voglën Charlotte.

Në këtë video shfaqet e gjithë familja në një park në Londër duke luajtur dhe duke u argëtuar me njëri-tjetrin.

Në një moment William nuk e thërret të bijën me emrin e saj por “Mignonette”.

Kjo fjalë është në frëngjisht dhe do të thotë “e bukur, e ëmbël, e vogël dhe diçka e bukur”.

Ky moment është komentuar gjatë pasi ka treguar sesi sillet Princi në përditshmëri me fëmijët e tij,  e mesa duket pika e tij e dobët është pikërisht Charlotte.