Dea Mishel është personazhi më pak i pëlqyer nga publiku, dhe sonte rrezikon që të dalë nga shtëpia e ”Big Brother Vip 2”. Babai i saj, Bujar Hoxha ka dhënë në qëndrim pas reagimeve të rrjetit kundër saj. Ai thotë se vajza e tij si labe që është, shprehet e drejtëpërdrejtë dhe se ajo sipas tij, po bullizohet.
Kujtojmë se një pjesë e ndjekësve të ”Big Brother VIP” u vunë kundër Dea Mishel, pasi ajo nxori në nominim Luizin, Kiarën dhe Efin dhe doli kjo e fundit. Por edhe më herët, me ”shakatë” që do të shiste fëmijë me Amosin, njerëzit u shokuan.
”Të thuash të vërtetën sot krijon armiq, vajza ime është labe dhe nuk bën kurrë mbrapsh për asnjë edhe kur e bën faj kërkon falje. Ajo duket e butë, por ka karakter të fortë ajo nuk ka fyer askënd, është sjellë me edukatë që e karakterizon, por kur shikon padrejtësi ajo rri përballë, as ka bërë prapaskena. Unë e shoh siç është në jetën e përditshme, e vërtetë. Është një lojë e pakuptimtë, unë kam ankesat e mia, nga njerëzit që janë brenda dhe që janë jashtë. Aty bullizohet një femër. Dea bullizohet në TV direkt, fyhet nga një mashkull që është babai i saj në moshë, në vend që të reagojë solidarizohet me të”, tha babai i saj.
