Shqiptarët u solidarizuan dhe siguruan fondet, por si është gjendja shëndetësore e aktorit, Genci Fuga?

Pas një operacioni të vështirë, aktori i njohur Genci Fuga paraqet një gjendje shëndetësore të qëndrueshme.

Bëhet me dije nga burimet për mediat se situata edhe pse e qëndrueshme akoma s’ka kaluar gjendja kritike pas operacionit që iu nënshtrua të shtunën në mbrëmje pas një goditjeje cerebrale.

Mjekët po monitorojnë ecurinë e tij të paktën derisa të kalojnë 48 orë nga ndërhyrja që cilësohen edhe orët më të rrezikshme thonë miqtë e tij.

Pedagog në Universitetin e Arteve dhe aktor, Fuga pësoi goditje të shtunën ndërsa bashkëshortja e tij, aktorja e regjisorja Eni Jani, bëri thirrje publike në rrjetet sociale duke kërkuar ndihmë në mbledhjen e shumës prej 19 mijë eurosh të nevojshme për ndërhyrjen në një spital privat.