Sonte futen 16 banorët e parë, zbulohen detaje para nisjes së “Big Brother Vip”

Kur na ndajnë më pak se një orë nga nisja e spektaklit më të madh në vend, “Big Brother Vip” i cili ka thyer rekord shikueshmërie.

Nga ambientet e jashtme të shtëpisë më të famshme në Shqipëri, aty ku do të futen 16 konkurrentët VIP mbrëmjen e sotme, producentja Sara Hoxha në zbuluan detajet e para.

Sara Hoxha u shpreh se në orën 21:15 do të nisë futja e 16 konkurrentëve të parë të cilët do të jenë figura të njohura për publikun, ndërsa ditën e martë do të futen banorët e rinj, të cilët janë personazhe të panjohura më parë.

“Ky spektakël tejkalon veten, jemi në një ambient që e quajmë pasarela e VIP-ave. Do të jenë 16 konkurrentë që do të hyjnë sonte, të gjithë konkurrentë të njohur, ndërsa të martën do futen qytetarë që nuk janë të njohur. Shtëpia është e re, çdo gjë është e re përveç Ledionit dhe Arbër Hajdarit”, u shpreh ajo me humor. /Tch