19 mln euro për Shaqirin

Juventusi është gati t’i ofrojë Bajerrnit të Mynihut 19 milionë euro për Xherdan Shaqirin me hapjen e merkatos së janarit, raporton Goal.com.

Allegri e sheh si të rëndësishëm në skemat e tij praninë e mesfushorit shqiptar me pasaportë zvicerane.

Duke parë që kontrata e Shaqirit skadon në verën e vitit 2016 Bajerni mund të tundohet t’a shesë atë që në janar për të përfituar sa më shumë prej tij.

Destinacioni Juventus është vlerësuar shumë nga Shaqiri duke qenë se “Zonja e Vjetër” është në kryesim të kampionatit italian dhe është kualifikuar për në fazën finale të Ligës së Kampionëve.

Shaqiri do të gjente edhe bashkëlojtarin e kombëtares zviverane Lichteiner me të cilin ndajnë krahun e djathtë të fushës.

Shaqiri ka luajtur shumë pak me Bajernin vitin e fundit pasi ka konurrencë me gjigandët Ribery dhe Robben.