30 milionë euro në sezon, United vendos për rinovimin e Pogba

Paul Pogba dhe Manchester United vazhdojnë “luftën” mes tyre, pasi Djajtë e Kuq nuk pranuan largimin e tij në verë. Drejtuesit e Manchester United kanë refuzuar kërkesat e Pogba për sa i përket një rinovimi të mundshëm të kontratës.

Mediat në Angli bëjnë me dije se United i kishte ofruar rinovimin, por francezi ka vënë disa kushte, që janë hedhur menjëherë poshtë nga “Djajtë e Kuq”.

Raportohet se Pogba i ka kërkuar anglezëve një pagë prej 30 milionë eurosh dhe diçka e tillë nuk ka pëlqyer aspak drejtuesve që e kanë refuzuar menjëherë. Nuk përjashtohet mundësia që francezi të largohet që në janar.